छठ पर्वको दोस्रो दिन : आज खरना, रसियौ–रोटी खाने परम्परा
आजको दिन व्रतालु महिलाहरू बिहानदेखि निर्जल व्रत बस्छन् र बेलुकी सूर्यास्तपश्चात् खरनाको विधि सम्पन्न गर्छन्। खरनामा विशेषगरी रसियौ (गुड र दूध मिसाइएको भात) र रोटी (घिउमा पकाइएको पवित्र रोटी) खाने परम्परा रहँदै आएको छ। यो प्रसाद परिवारका सदस्य र छिमेकीसँग बाँड्ने चलन पनि छ, जसले सामुदायिक एकता र सहअस्तित्वको सन्देश दिन्छ।
खरनापछि व्रतालुहरूले अर्को दिन बिहान उदाउँदो सूर्यलाई अर्घ्य दिने तयारी गर्छन्। यसअघि व्रतालुहरू नदी, तलाउ वा पोखरीको किनारमा घोघी, दउरा, फलफूल, ठकुवा, भुसुवा, नारिवल, केरा लगायतका सामग्री सहित अरघको डाला तयार पार्न थाल्छन्।
वीरगंजका नगवा, रानीघाट, घरियार्वा, सिरिसिया र विभिन्न पोखरी किनारमा स्थानीय युवाहरूले घाट सफाइ र दीप सजावटमा सहयोग गरिरहेका छन्।
धार्मिक विश्वास अनुसार, छठी माईको आराधनाले परिवारमा सुख–शान्ति, सन्तानको दीर्घायु र समृद्धि प्राप्त हुन्छ।
छठ पर्व चार दिनसम्म मनाइन्छ —
१. नहाय–खाय
२. खरना (रसियौ–रोटी)
३. सन्ध्या अर्घ्य (डुब्ने सूर्यलाई अर्घ्य)
४. उद्योमान सूर्यलाई अर्घ्य र पारण
आजको खरनासँगै वातावरण श्रद्धा, भक्ति र पवित्रताले भरिएको छ।
जय छठी माई 🙏
#Birgunj Updates #chhath