पूर्वपदाधिकारीसँग रहेका गाडी र सुरक्षाकर्मी फिर्ता गर्न सरकारको आदेश
अर्थ मन्त्रालयले शुक्रबार गृह र रक्षा मन्त्रालयलाई पत्राचार गर्दै कानुनबमोजिम बाहेक उपलब्ध गराइएका सवारीसाधन, जिन्सी सामान, सहयोगी र सुरक्षाकर्मी तुरुन्त फिर्ता गर्न निर्देशन दिएको हो।
मन्त्रालयका प्रवक्ता टंकप्रसाद पाण्डेयका अनुसार, मितव्ययिता र अनुत्पादक खर्च नियन्त्रणका लागि मन्त्रिपरिषद्को २०८२ असोज ५ गतेको निर्णयअनुसार यो कदम चालिएको हो।
पत्रमा प्रचलित कानुनमा उल्लेख भएका र स्वीकृत मापदण्डबमोजिमका सेवा सुविधा मात्र प्रदान गर्नुपर्ने उल्लेख गरिएको छ। सरकारका अनुसार अब पूर्वपदाधिकारीहरूलाई कानुनले स्वीकृत गरेको सीमा भित्रका मात्र सुविधा उपलब्ध गराइनेछ।