बेइजिङ भ्रमण सम्पन्न गरी स्वदेश फर्किए प्रधानमन्त्री ओली
काठमाडौं । प्रधानमन्त्री केपी शर्मा ओली चीनको चार दिने औपचारिक भ्रमण सकेर बुधबार साँझ स्वदेश फर्किएका छन्।
प्रधानमन्त्री ओलीलाई चीन भ्रमणका लागि चिनियाँ राष्ट्रपति सी जिनफिङले विशेष मैत्रीपूर्ण निमन्त्रण गरेको थियो। भ्रमणको क्रममा उनले चीनको सांघाई सहयोग संगठन (एससीओ) समिटमा सहभागिता जनाए भने दोस्रो विश्वयुद्धको ८० औं वर्षको विजयोत्सवका अवसरमा आयोजित भव्य सैन्य परेडमा समेत भाग लिए।
प्रधानमन्त्री ओलीसँगै उनकी पत्नी राधिका शाक्य, परराष्ट्रमन्त्री नारायणकाजी श्रेष्ठ, परराष्ट्र सचिव अमृतबहादुर राईलगायत उच्चस्तरीय टोली पनि चीन भ्रमणमा सहभागी भएको थियो।
परराष्ट्र मन्त्रालयका सचिव राईका अनुसार प्रधानमन्त्री ओली नेतृत्वको टोली भदौ १४ गते काठमाडौंबाट चीन प्रस्थान गरेको हो। भ्रमणका क्रममा नेपाली टोलीले चीनका शीर्ष नेताहरूसँग द्विपक्षीय भेटवार्ता गर्दै आपसी हितका विषयमा छलफल गरेको बताइएको छ।
भ्रमणमार्फत नेपाल–चीन सम्बन्धलाई अझ प्रगाढ बनाउन सहयोग पुग्ने विश्वास गरिएको छ।