बाढीपहिरो पीडितका लागि सरकारले गर्यो राहतको घोषणा
• मृतकका परिवारलाई — रू. २ लाख राहत
• विस्थापित परिवारलाई अस्थायी आवासका लागि — रू. ५० हजार सहयोग
(पहिलो चरणमा २५ हजार, आवास निर्माण भएपछि थप २५ हजार)
त्यसैगरी, स्थायी आवास निर्माणका लागि प्रदेशअनुसार निम्न सहयोग उपलब्ध हुनेछः
🏔️ हिमाल क्षेत्रमा — रू. ५ लाख
⛰️ पहाड क्षेत्रमा — रू. ४ लाख
🌾 तराई क्षेत्रमा — रू. ३ लाख
राष्ट्रिय विपद् जोखिम न्यूनीकरण तथा व्यवस्थापन प्राधिकरणका कार्यकारी प्रमुख इन्जिनियर दिनेशप्रसाद भट्टका अनुसार सरकारले प्रभावित नागरिकलाई छिटो राहत पुर्याउने कार्य अघि बढाएको छ।
बैठकले साथै तीनै तहका सरकारबीच समन्वय गरेर सडक, खानेपानी, विद्युत, सञ्चार जस्ता अत्यावश्यक सेवाहरु तत्काल सञ्चालनमा ल्याउने निर्णय गरेको छ।
त्यसैगरी, बाढीपछि देखिन सक्ने महामारीको जोखिम रोकथामका लागि संघीय, प्रदेश र स्थानीय सरकारका स्वास्थ्य संस्थाहरुसँग संयुक्त रूपमा पहल गर्ने निर्णय पनि गरिएको छ।
बिरगञ्ज लगायत मधेसका बाढी प्रभावित क्षेत्रमा यस निर्णयबाट तत्काल राहत वितरण सुरु हुने अपेक्षा गरिएको छ।
#BirgunjUpdates #FloodRelief #NepalGovernment #DisasterManagement #BadhPahiro #ReliefFund #MadheshNews #NepalNews