पाकिस्तानको दुर्गम सीमा क्षेत्रमा हवाई आक्रमण, २३ जना सर्वसाधारणको मृत्यु
विपक्षी सांसदहरूले सेनाले आतङ्कवाद विरोधी अभियानको नाममा निहत्था नागरिकमाथि हमला गरेको आरोप लगाएका छन्। तर पाकिस्तानी सरकारले यसबारे अहिलेसम्म औपचारिक टिप्पणी गरेको छैन।
तिराह क्षेत्रमा पाकिस्तानी तालिबान (टिटिपी) लडाकूहरूको सक्रियता बढ्दै गएको छ। हालैका महिनामा यस क्षेत्रमा सुरक्षाकर्मीमाथि निरन्तर आक्रमण भइरहेका छन्।
आक्रमणपछि करिब दुई हजार मानिस नजिकैको शहरमा भेला भई सेनाविरुद्ध प्रदर्शनमा उत्रिएका थिए।
शनिबार मात्र छिमेकी जिल्लामा भएको आक्रमणमा १२ पाकिस्तानी सैनिक मारिएका थिए भने सेनाले आफ्नो प्रतिकारात्मक कारबाहीमा ३१ जना टिटिपी लडाकू मारिएको दाबी गरेको छ।